Блог

Почетна » Блог » ЛУКСУЗНИ И NICHE ПАРФЕМИ ЗА ОВАА ЗИМА

ЛУКСУЗНИ И NICHE ПАРФЕМИ ЗА ОВАА ЗИМА

Ако за оваа зима барате луксуз и уникатен мирис, тогаш вие сте на вистинското место. Сигурно веќе знаете дека постојат дизајнерски и niche парфемски брендови, а често дури и дизајнерите имаат приватни парфемски линии. Состојките кои се избираат за овие парфеми се со врвен квалитет, а особено внимание се посветува и на пакувањето. 

Веќе сигурно ви се познати брендовите како Tom Ford, Amouage или Tiziana Terenzi. За нив може да се каже дека се водечки во парфемската индустрија и ги дефинираат трендовите во кои изработката на парфеми се движи. 

А ако сакате да изберете одличен луксузен парфем за вас, ова се нашите препораки:

Amouage Myths Woman

Ова е еден прекрасен и софистициран мирис, кој се отвора цветно, со ноти на хризантема и нарцис. Одличен е за секое годишно време, бидејќи комбинацијата на каранфил, кожа, амбергрис, пачули и мошус создава уникатно чувство на префинетост.

На моменти ќе ве потсетува на ретро-парфемите од 80тите и 90тите, како што се Chanel No5 или Paloma Picasso by Paloma Picasso, а потоа ќе ве воодушеви со модерниот развој на композицијата. Она што можеме да го кажеме е дека одговара на елегантен и бизнис стил, иако секоја жена може успешно да го износи.

Juliette Has A Gun Lady Vengeance

Оваа композиција е дело на неповторливиот Francis Kurkdjian, кој е креатор на еден од најпосакуваните парфеми на денешницата, Bacarrat Rouge 540. Во 2006, тој соработувал со Romano Ricci, за заедно да лансираат модерна композиција на chypre цветен мирис за жени. 

За разлика од поголемиот дел JHAG парфеми, кои се унисекс, овој е наменет за женската популација, иако веќе одамна тие граници не се валидни. 

А што добивате вие ако го купите Lady Vengeance? Композиција од роза и пачули, мошус, ванила и секако, комбинирани со молекулите Iso E Super и Ambroxan. Можеби на моменти ќе ве потсетува и на Narciso Rodriguez For Her, што е сосема очекувано знаејќи дека Kurkdjian е „носот“ кој работел на двата парфема.

Nasomatto Absinth

Ако сте љубител на зелени ароматици и не ги сакате тешките ориентални композиции во зима, можеби го имаме вистинскиот парфем за вас. Absinth е унисекс парфем кој доаѓа во пакување од 30 милилитри. Сепак, не треба да ве буни тоа, бидејќи се работи за вистинска бомба од ноти, која ќе остави впечаток каде и да се појавите. 

Приказната зад овие парфеми е поттикнување на реакција, а креаторот Alessandro Gualtieri смета дека Absinth треба да ви предизвика минимална хистерија и стимулација на вашиот немир. Ние би ви рекле да не се плашите од описот, туку да ја пробате оваа одлична комбинација на зелени ноти и ветивер.

Tiziana Terenzi Kirke

Kirke е парфем кој е вистински камелеон меѓу niche дизајните. Кого и да прашате, го доживува на различен начин. Според едни е изразено женски и летен, според други е тежок парфем кој треба многу внимателно да се дозира, а трети пак, велат дека е машки парфем кој не одговара кај ниедна девојка. 

Секако, комбинацијата на маракуја, праска, круша, малина, момина солза, мошус и сандалово дрво би не навела да мислиме дека е женски парфем. Но, од друга страна, никогаш не знаете како ќе го доживеете. Може да ви стане верен пријател за целата година, или пак, само периодично да уживате во него.

Tom Ford Noir Extreme

Ова е сладок и зачински парфем за мажи, креација на Sonia Constant. Таа ги комбинирала нотите на кардамом, морско оревче, шафран, кулфи сладолед, роза, јасмин, ванила и амбер, за да создаде топла и пријатна композиција. 

Ќе ви се допадне ако сте љубители на Victor & Rolf Spicebomb или Tom Ford Black Orchid.  Според нашите купувачи, подеднакво добро сто и кај жени, што е уште еден доказ дека кога е во прашање niche парфемскиот свет, категориите се само маркетиншка етикета.

Препорачани производи

МОЖЕБИ ЌЕ ВЕ ИНТЕРЕСИРА

БЕСПЛАТНА ИСПОРАКА

За нарачки над 2000 денари, испораката ја плаќаме ние.

СИГУРНО ПЛАЌАЊЕ

Изберете сигурно плаќање со картичка, во готово при достава или на рати.

ОРИГИНАЛНИ ПРОИЗВОДИ

Продаваме исклучиво оригинални производи. ГАРАНТИРАНО!

ПОДАРОК

Можеме да го испорачаме вашиот парфем спакуван како подарок.

БРЗА ИСПОРАКА

Вашата пратка ќе биде процесирана најдоцна следниот работен ден.
Оваа страна користи cookies за да овозможи комплетна фунционалност. За повеќе информации кој тип на податоци се опфатени во cookies, посетете ја страната за Политика на приватност.
Внесете дел од називот на производот што го барате.

Женски парфеми

Lorem ipsum dolor sit amet consectetur adipiscing elit dolor

Машки парфеми

Lorem ipsum dolor sit amet consectetur adipiscing elit dolor