ДАЛИ ЗНАЕТЕ ШТО СЕ “СИНИ МИРИСИ” (BLUE SCENTS)?

Кога пребарувате парфеми, често можете да се сретнете со поимот „blue scents“, а уште почесто тие се спакувани во сини шишенца и кутии. Но, што тоа значи кога ги толкуваме нотите? Како би мирисало нешто што има сина боја?

Уште од самиот почеток, ќе ви кажеме дека се работи за маркетиншки поим. Син парфем не се однесува на бојата на течноста, ниту пак на пакувањето. Всушност, производителите и нивните маркетинг тимови откриле дека сината боја е омилена на многу луѓе и го употребиле тоа за да можат подобро да ги продадат своите производи.

А во превод, син парфем би бил оној кој е опишан како морски, акватичен, озонски и слични поими, кои погодувате, се исто маркетинг.

Сепак, ако обрнете внимание на она што се нуди на пазарот, ќе видите дека сме во право. Помислете само на целата колекција на Аcqua di Parma Blu Mediterraneo. Сите парфеми се во карактеристично сино стаклено шише, за да може да нè потсетат токму на медитеранско лето. Мирисните ноти се најчесто цитрусни, дрвенести, зачинести, ароматични, а како дополнителни ноти се користат ѓумбир, смоква, лист од смоква и сол.

Ако сте од оние кои уживаат во ваквиот мирис, имаме неколку предлози за вас:

AZZARO Chrome EDT

Во основата на овој парфем ќе најдеде кедрово дрво, мошус, кардамом, сандаловина и мов. На самото отворање ќе ве дочекаат лимон, бергамот, нероли, ананас и рузмарин, а свежо-зачинскиот аспект продолжува и во средниот развој на парфемот.

Azzaro Chrome постои на пазарот од 1996 година и се уште е еден од најомилените машки парфеми за лето.

ACQUA DI PARMA Blu Mediterraneo Arancia Di Capri EDT

За вас избравме еден преубав син мирис од линијата на Acqua Di Parma – Arancina di Capri. Врз слатката основа од карамел и мошус е изградена композиција која ги содржи нотите на портокал, мандарина, бергамот и нероли.

Ова е вистинско летно уживање за оние кои не сакаат интензивни и нападни парфеми.

ARMANI Acqua di Gioia EDP

Како што можете и самите да видите, ова е еден прекрасен парфем за жени, спакуван во шишенце со карактеристична сина боја. Оние кои го користат го опишуваат како свеж, заводлив, силен, инспиративен, чист и прозрачен.

А нотите се навистина едноставни – кедрово дрво, лабданум, кафеав шеќер, јасмин и лимон со нане.

BVLGARI Aqva pour Homme Atlantiqve EDT

Ова е еден од најпопуларните машки мириси во светот. Креаторот Jacques Cavallier го замислил како морски амбер, кој потсетува на длабочините на студената океанска вода. Секако, ефектот е дополнет со ветивер, пачули, сицилијански лимон, бергамот од Калабрија, жалфија и зелено јаболко.

DAVIDOFF Cool Water Woman EDT

На оваа листа мораше да се најде и Davidoff Cool Water кој е типичен и стереотипен син мирис. Во својата композиција содржи диња, лимон, ананас, дуња, лотосов цвет, момина солза, мошус, малина и ветивер.

Сепак, без разлика на комплексната мирисна пирамида, парфемот е вистинсо освежување и одличен избор за заштитен мирисен знак.