DIOR Joy EDP

Joy by Dior беше лансиран кон крајот на август 2018 година како ода на задоволствата и на животот. Замислен е како мирис на енергија, живост и нежност, среќа и добро расположение.

Тоа е мирис осветлен од живата насмевка на цвеќињата и агрумите, нежните галења на шумите и спокојството на мошусите; мирис со илјада нијанси и аспекти, но сепак кристално чист.

Парфимерот од Диор, Francois Demachy, изјавува дека Joy by Dior изразува специфично чувство на радост изразено преку мирисна интерпретација на светлината. Направен е од неколку нијанси кои заедно формираат кристално чиста мирисна експресија.

Шишето е со едноставна форма, кристално и нежно розово, кое наликува на скапоцен камен. Заштитно лице на рекламната кампања е актерката Jennifer Lawrence.