RALPH LAUREN Polo EDT

Прославувајќи ја безвременската привлечност на спортскиот начин на живот, легендарниот Polo на Ralph Lauren го спојува најдоброто од дрво, кожа и други природни мириси.

Polo е за љубителите на убави вечни нешта, неговото име буди асоцијации со тесен круг на избраници, кои имаат свои правила и традиции.

Како вистински машки парфем, Polo не содржи цветни ноти, освен можеби камилица, чиј специфичен мирис е повеќе треваст отколку цветен. Почетокот на композицијата е зелен и свеж, составен од тревни ноти на артемизија, босилек, мајчина душица со зачинета нота на коријандер, ким и каранфилче. Срцето на мирисот е силно и мажествено како зимзелена шума, украсено со ноти на пачули, дабови мов и ветивер. Основата е кожа, тутун и темјан, кои прават прекрасна интензивна патека.

Polo е еден од двата први парфеми на Ralph Lauren, создаден од Carlos Benaim во 1978 година.