ТОП 5 КЛАСИЧНИ ПРОЛЕТНИ МАШКИ ПАРФЕМИ

На самиот праг од пролетта, време е да го замените и вашиот парфем. Изборот за идеален парфем е подеднакво важен како за жените, така и за мажите. Оставете свој мирисен потпис кој отсекогаш важи за незаменлив бонус кога станува збор за оставање на прв впечаток. Пораката која ја оставате со парфемот е дека водите грижа за себе и дека во секоја ситуација сакате да мирисате убаво.

Иако изборот ни беше тежок додека патуваме низ светот на парфемите, а сакавме да одвоиме само неколку, одлучивме да ви ги предложиме следните 5 “непоразени”, класични машки парфеми совршени за пролет/лето со кои никогаш нема да погрешите.

1. AZZARO Wanted EDT

Дрвенесто-цитрусен мирис чии балансирани состојки го прават брутално моќен и неодолив и важи за мирис на мажите од 80тите.

Azzaro Wanted е за мажи кои се хедонисти, бунтовни, кои ги следат своите инстинкти, го живеат животот како што сакаат и ги менуваат правилата на играта секој ден со цел да го добијат она што го сакаат.

За мажи со целосна самодоверба и свои правила. Овој експлозивен мирис може да се користи и за секојдневни прилики и за вечерни излегувања, секогаш и секаде.

Оценет е како долготраен мирис и не мора да се грижите дали се чувствува се уште и дали има потреба да се нанесе повторно. Совршен за пролет/лето.

2. PACO RABANNE Invictus EDT

Овој сензуален и свеж мирис е неверојатен спој на цитрусни, дрвенести и водести ноти, кој ја отелотворува и слави машката сила. Многу често е споредуван со Wanted од Azzaro.

И самиот назив на мирисот Invictus што на латински значи непобедлив,  ја отсликува моќта, динамичноста и енергијата во победничкиот пехар сместени во ова елегантно спортско шише.

Гвајаковото дрво во основните мирисни ноти, свежината на грејпфрут, пикантноста на зачините со металот, и на крај дрвенестите ноти, креираат мирис на победа со игривост и живост сосема пригоден за пролетните и летни денови.

3. DOLCE GABBANA Light Blue pour Homme EDT

Идеален мирис за топлите месеци. Еден од најпрепознатливите имиња во светот на мирисите. Во него е скриен медитерански темперамент- отвореност, страст, самоуверност и по малку таинственост.

Тоалетна вода која дава огромна свежина со големото количество на цитрусни ноти кои го содржи на почетокот, а траат со часови. Приказна за радоста на животот и заведувањето.

Суштината на сончев летен ден скоцкана во овој свеж, цитрусно-дрвенест мирис кој предизвикува сензуалност, лежерност, стил и урбан шарм давајќи потполна самодоверба. Нема да погрешите во изборот.

4. ARMANI Acqua di Gio Absolu EDP

Еден од најпродаваните и најпопуларните мириси во САД. Софистициран спој на дрвенести ноти и воденест потпис.

Совршена рамнотежа на топол и сензуален пресврт, не премногу зачинет, не премногу остар, а сепак балансира помеѓу чистиот мирис на свежа вода и топлината од дрвенестите ноти.

Долготраен машки мирис во кој преовладува пачули. 

5. Dior Sauvage EDT