Блог
СОЗДАДЕТЕ УНИКАТЕН МИРИС СО ПАРФЕМСКИ СЛОЕВИ
Нанесувањето парфеми во слоеви не е новост во оваа индустрија, но сепак многумина не се охрабруваат да создадат свој уникатен мирис на тој начин. Затоа и со овој текст сакаме да ве поттикнеме да ги истражите различните мирисни групи и да научите како да експериментирате со парфемите, за да оставате единствен мирисен печат каде и да се појавите.
Во основа, комбинирањето парфеми во слоеви има три основни категории: парфеми со иста или слична доминантна нота, потешки парфеми комбинирани со полесни и комбинација на вашиот парфем со „booster“ парфеми.
ПАРФЕМИ СО СЛИЧНА ДОМИНАНТНА НОТА
Овој пристап е добар кога сакате да направите околу себе облак од вашата омилена нота. На пример, ако обожавате мошус, правите комбинации од два до три различни мириси кои ги нанесувате и еден врз друг, но и различен парфем на различен дел од телото.
На овој начин креирате хармонична комбинација на мириси кои се засноваат на вашите омилени ароми.
На пример, ако сакате мирис на цитруси, тогаш можете да се обидете со MANCERA Sicily EDP со CHOPARD Happy Lemon Dulci. Ако обожавате роза, тогаш искомбинирајте PARFUMS DE MARLY Delina со JO MALONE Peony & Blush Suede EDC. Комбинацијата на JO MALONE Lime Basil & Mandarin EDC и HERMES Un Jardin en Mediterranee EDT ќе направи да се чувствувате како да сте на одмор на најубавите делови од Медитеранот, а за вечерната комбинација можете да ги изберете KARL LAGERFELD Fleur De Pecher EDP со DKNY Be Delicious EDP.
„ТЕЖОК“ ПАРФЕМ КОМБИНИРАН СО ЛЕСНИ НОТИ
Парфемите кои содржат ориентални, зачински и интензивно дрвенести ноти можеби се „тешки“ за лето, но секогаш можете да ги направите „полесни“ доколку имате цитрусни парфеми во вашата колекција.
На пример, доколку го поседувате DOLCE GABBANA Light Blue EDT, DAVIDOFF Cool Water Woman EDT или BVLGARI Eau Parfumee au the Blanc EDC, можете да испробате како ќе се комбинираат со другите „потешки“ парфеми кои веќе ги имате.
Сличен ефект имаат и парфемите од линијата Blu Mediterraneo од ACQUA DI PARMA, кои го нагласуваат шармот на Медитеранот со помош на лесни цитрусни ноти, кои одлично би се искомбинирале со парфеми кои се базираат на роза, мошус или амбер.
СЛОЕВИ СО „SCENT BOOSTERS“
Сигурно веќе ви се познати парфемите како JHAG Not a Perfume или кое било од изданијата на Escentric Molecules. Овие мириси се состојат од една до две синтетички ноти кои треба да го засилат вашиот парфем. Секако, можете да ги носите самостојно ако ви се допаѓаат, но во комбинација со друго пареми креираат интригантна фузија помеѓу различните ноти.
На пример Not a Perfume можете да го носите со кој било друг парфем на Juliette Has a Gun. Сепак, не сте ограничени само на тие комбинации, туку можете да експериментирате додека да го пронајдете она што ви одговара. А кога молекулите ќе се прилагодат на вашата „skin chemistry“, можете да создадете целосно персонализиран мирис кој никој никогаш нема да го ископира.
Како што и самите можете да видите, слоевитото нанесување на парфеми отвара многу можности да направите личен мирис, па дури и да ги искористите парфемите кои сами по себе не ве воодушевуваат. Правила нема – доволно е само да ѝ дозволите на вашата креативност да ве води во овој свет на воодушевуачки ароми, да експериментирате и да не се плашите да откриете еден цел свет на мириси кои можеби и не сте се надевале дека ќе ви се допаднат.
МОЖЕБИ ЌЕ ВЕ ИНТЕРЕСИРА
ПАРФЕМИ КОИ СТАНАА ИНТЕРНЕТ ХИТ ВО 2024
Понекогаш е доволно некој парфем да стане хит на интернет и околу него да се создаде hype – возбуда и
СЕ ШТО ТРЕБА ДА ЗНАЕТЕ ЗА LATTAFA НА ЕДНО МЕСТО
Lattafa е многу повеќе од обичен парфемски бренд кој произведува клонови на популарните парфеми. Ако ја разгледаме суштината, ќе сфатиме
ШТО ГИ ПРАВИ ПАРФЕМИТЕ SERGE LUTENS ТОЛКУ ПОСЕБНИ?
Во потрагата по совршениот парфем често „заглавуваме“ во лавиринти на брендови, ноти, композиции, па дури и пакувања. А кога веќе
КАКО ПАРФЕМИТЕ ВЛИЈААТ ВРЗ ВАШЕТО РАСПОЛОЖЕНИЕ?
Дали сте забележале дека некои парфеми од вашата колекција кај вас предизвикуваат силна емоција и ве орасположуваат? Секако, постои и
ИЗБИРАЊЕ НА СОВРШЕН ПАРФЕМ ЗА СЕКОЈА ПРИГОДА: ДЕН, НОЌ, СПЕЦИЈАЛНИ ПРИЛИКИ
Наоѓањето на иделниот парфем е предизвик, но и големо задоволство. Многумина ќе речат дека не постои строга поделба на дневни,
ЛУКСУЗНИ И NICHE ПАРФЕМИ ЗА ОВАА ЗИМА
Ако за оваа зима барате луксуз и уникатен мирис, тогаш вие сте на вистинското место. Сигурно веќе знаете дека постојат