ПАРФЕМИ КОИ СТАНАА ИНТЕРНЕТ ХИТ ВО 2024

Понекогаш е доволно некој парфем да стане хит на интернет и околу него да се создаде hype – возбуда и потреба да го пробаме и поседуваме, без разлика дали субјективно ни се допаѓа или не. Голем дел од овие парфеми се навистина добри, објективно, без оглед дали се работи за композиција, бренд, квалитет или трајност.

Во минатото имавме сличен пример со Bacarrat Rouge 540 и Lost Cherry, како и претставници од арапските парфемски куќи, особено Lattafa.

Во последно време токму овие клонови со арапско потекло привлекуваат многу внимание. Причина за тоа е нивната цена пред сѐ, а потоа и дизајнот на пакувањата, сличноста со скапи брендови и сосема очекувано, трајноста и перформансите на самиот парфем.

Fragrance.mk во својата понуда има токму од овие вирални парфеми, а можеме да ги издвоиме:

LATTAFA Nebras EDP

Nebras стана вирален хит поради својата гурманска композиција и сличноста со првиот парфем на Billie Eilish. Основната нота е ванила, придружена со карамел, какао, мандарина и акорд кој потсетува на шеќер. Пакувањето е луксузно, а очигледно е и дека е посветено многу внимане на дизајнот и деталите.

DOLCE & GABBANA Q EDP

Q е женска интерпретација на култниот машки парфем K. Во срцевината ја содржи нотата на цреша, која веќе неколку години е апсолутен тренд во парфемската индустрија. Композицијата неодоливо потсетува на познатиот Light Blue, но збогатен со поинтензивни и подоминантни ноти на мошус, јасмин и црвен портокал. Иако не се издвои со уникатност, овој парфем е значаен исчекор од фокусот на брендот кон Light Blue линијата.

TOM FORD Lost Cherry EDP

Lost Cherry доживеа и неколку реинтерпретации од самиот бренд, но и доста клонови. Трендот на цреша како нота започна токму со оваа креација, па воопшто не треба да нѐ чуди фактот дека овој парфем веќе подолго време е апсолутен хит меѓу љубителите на овошни парфеми. Дополнително, воодушевува и тоа што успешно е креирана унисекс композиција од ноти кои се стереотипно женски.

MOSCHINO Cheap and Chic I Love Love EDT

Тука се работи за ретро парфем кој одново ја живее својата популарност и постојано го откриваат помлади генерации на љубители на парфеми. Причини има многу. Најпрво, одличната цена во сооднос со количина и квалитет. Втора причина е сличноста со Light Blue, кој после низа реформулации го изгуби својот оригинален сјај. I Love Love, според многумина, многу потсетува на најстарите изданија на Light Blue, па им се допаѓа на сите вљубеници во сличните композиции.

TIZIANA TERENZI Kirke Parfum

Парфемот не е нов – помината е речиси деценија откако првпат излезе. Но, она што можеме да го забележиме низ годините, вклучувајќи ја и 2024, е дека неговата виралност и популарност воопшту не се намалува. Напротив, без оглед дали добива „хејт“ или воодушевувачки коментари, Kirke е и останува еден од најпопуларните niche парфеми на пазарот. Можеби мислите дека сите веќе го имаат пробано, но постојано гледаме нови видеа и осврти онлајн. Можете да го сакате или мразите овој парфем, но со сигурност можеме да кажеме дека ја одбележа оваа деценија.

LATTAFA Khamrah EDP

Иако беше вистински хит уште од првиот момент, Khamrah го доживеа врвот на својата слава во 2023 и 2024 година, поради тоа што е инспириран од популарниот Kilian Angel’s Share. Се работи за композиција која содржи ноти на рум, виски, урми, чоколада, какао, карамел, јаболко и многу слични гурмански елементи, кои ги прават неодолив. Познавачите на парфемите можат да потврдат дека не се работи за клон на популарниот парфем на Kilian, туку самостојна креација која е инспирирана од сличен гурмански профил.

LATTAFA Yara EDP

Yara, но и варијациите Yara Tous и Yara Moi се насекаде присутни на ТикТок и сличните платформи. Се работи за за елегантни и женствени парфеми, кои се инспирирани и од десерти како панакота, сладолед од манго или пак карамел. Кој и да го изберете, нема да погрешите бидејќи големи се шансите да ви се допадне уште на прво помирисување. Сосема се безбедни за оние кои сакаат да ризикуваат со „купување на слепо“ но притоа да не потрошат многу голема сума.

Што велите? Кој е вашиот омилен вирален парфем кој можете да го пронајдете во нашата понуда?

АкцијаHOT